"Nyukasl" bosh murabbiyi Eddi Xau hujumchi Aleksandr Isakning kelajagi bilan bog‘liq vaziyat haqida gapirdi. Avvalroq, 25 yoshli futbolchi klub qarorgohini tark etib, "Real Sosyedad" bazasida shug‘ullana boshlagan edi. "Nyukasl" "Liverpul"ning Isak transferi bo‘yicha taklifini rad etgani haqida xabarlar tarqalgan edi.
"Kecha menga taklif bo‘lganini aytishdi. Men u haqda bilmasimdan oldin u rad etilgan edi. Keyin nima bo‘lishini bilmayman, lekin biz hamon Aleksni har qanday yo‘l bilan qo‘llab-quvvatlayapmiz. Men uni yana "Nyukasl" libosida ko‘rishimizni xohlayman.
Hozir qayerdaligini faqat OAV orqali bilaman. Tafsilotlarga kirish menga qiyin. Vaziyat idealdan yiroq - u murakkab. O‘ylashimcha, bu men aytishim mumkin bo‘lgan yagona narsa," - dedi Xau matbuot anjumanida.













