"Ньюкасл" бош мураббийи Эдди Хау ҳужумчи Александр Исакнинг келажаги билан боғлиқ вазият ҳақида гапирди. Аввалроқ, 25 ёшли футболчи клуб қароргоҳини тарк этиб, "Реал Сосьедад" базасида шуғуллана бошлаган эди. "Ньюкасл" "Ливерпуль"нинг Исак трансфери бўйича таклифини рад этгани ҳақида хабарлар тарқалган эди.
"Кеча менга таклиф бўлганини айтишди. Мен у ҳақда билмасимдан олдин у рад этилган эди. Кейин нима бўлишини билмайман, лекин биз ҳамон Алексни ҳар қандай йўл билан қўллаб-қувватлаяпмиз. Мен уни яна "Ньюкасл" либосида кўришимизни хоҳлайман.
Ҳозир қаердалигини фақат ОАВ орқали биламан. Тафсилотларга кириш менга қийин. Вазият идеалдан йироқ - у мураккаб. Ўйлашимча, бу мен айтишим мумкин бўлган ягона нарса," - деди Хау матбуот анжуманида.
