Jurnalist Yulian Agardi ma’lumotiga ko‘ra, shu hafta "Shtutgart" kuzatuv kengashi yig‘ilishi bo‘lib o‘tgan va unda Nik Voltemadening sotilishi masalasi ko‘rib chiqilgan.
Unda hujumchi transferi masalasida qat’iy pozisiyada qolishga qaror qilindi - klub 65 million yevrodan yuqori taklif bo‘lgan taqdirdagina muzokaralarga tayyorligini ko‘rsatadi.
Futbolchiga eng ko‘p qiziqish bildirayotgan "Bavariya" hozircha buncha pul to‘lamoqchi emas, shu bois vaziyat boshi berk ko‘chaga kirib qolgan.
Voltemadening o‘zi Myunxen klubiga o‘tishni maqsad qilgan.
O‘tgan mavsumda 23 yoshli germaniyalik 33 ta o‘yinda 17 ta gol urdi va 3 ta golli uzatmani amalga oshirdi.
Iyun oyida bo‘lib o‘tgan yoshlar o‘rtasidagi Yevropa chempionatida Nik 5 ta o‘yinda 6 ta gol va 3 ta golli uzatmani amalga oshirib, eng yaxshi to‘purar bo‘ldi.
