Журналист Юлиан Агарди маълумотига кўра, шу ҳафта "Штутгарт" кузатув кенгаши йиғилиши бўлиб ўтган ва унда Ник Вольтемаденинг сотилиши масаласи кўриб чиқилган.

Унда ҳужумчи трансфери масаласида қатъий позицияда қолишга қарор қилинди - клуб 65 миллион евродан юқори таклиф бўлган тақдирдагина музокараларга тайёрлигини кўрсатади.

Футболчига энг кўп қизиқиш билдираётган "Бавария" ҳозирча бунча пул тўламоқчи эмас, шу боис вазият боши берк кўчага кириб қолган.

Вольтемаденинг ўзи Мюнхен клубига ўтишни мақсад қилган.

Ўтган мавсумда 23 ёшли германиялик 33 та ўйинда 17 та гол урди ва 3 та голли узатмани амалга оширди.

Июнь ойида бўлиб ўтган ёшлар ўртасидаги Европа чемпионатида Ник 5 та ўйинда 6 та гол ва 3 та голли узатмани амалга ошириб, энг яхши тўпурар бўлди.