Avvalroq, "Barselona"ning germaniyalik darvozaboni Mark-Andre Ter Shtegen kataloniyaliklar rejasida yo‘qligi va klub futbolchining ketishi uchun imkoniyat izlashi haqida xabarlar tarqalgan edi. Shuningdek, "Galatasaroy" va "Monako"ning qiziqishi haqida ham ma’lumotlar paydo bo‘ldi.
Keyin Ter Shtegen jarohat oldi va taxminan uch oyga safdan chiqdi. Qayd etilishicha, "Barselona" sport direktori Deku seshanba kuni germaniyalik darvozabon bilan juda muhim uchrashuv o‘tkazadi.
Qo‘shimcha qilamizki, Ter Shtegenning sotilishi kataloniyaliklarning maosh jamg‘armasini yengillashtiradi, bu esa klubga mavsum uchun yangi futbolchilarni ro‘yxatdan o‘tkazishda katta yordam beradi.
