Аввалроқ, "Барселона"нинг германиялик дарвозабони Марк-Андре Тер Штеген каталонияликлар режасида йўқлиги ва клуб футболчининг кетиши учун имконият излаши ҳақида хабарлар тарқалган эди. Шунингдек, "Галатасарой" ва "Монако"нинг қизиқиши ҳақида ҳам маълумотлар пайдо бўлди.
Кейин Тер Штеген жароҳат олди ва тахминан уч ойга сафдан чиқди. Қайд этилишича, "Барселона" спорт директори Деку сешанба куни германиялик дарвозабон билан жуда муҳим учрашув ўтказади.
Қўшимча қиламизки, Тер Штегеннинг сотилиши каталонияликларнинг маош жамғармасини енгиллаштиради, бу эса клубга мавсум учун янги футболчиларни рўйхатдан ўтказишда катта ёрдам беради.
