Turkiyaning "Fenerbaxche" klubi Portugaliyaning "Benfika" klubi futbolchisi Kerim Aktyurko‘g‘li bilan shartnoma imzolash arafasida. Bu haqda Haber Global portali xabar bermoqda.
Manbaga ko‘ra, "Fenerbaxche" vakillaridan biri 26 yoshli yarimhimoyachi transferini rasmiylashtirish uchun shaxsiy samolyotda Portugaliyaga yo‘l oladi. Hozirda uning so‘nggi tafsilotlari muhokama qilinmoqda.
"Benfika"ga o‘tishdan oldin Aktyurko‘g‘li Turkiyaning turli klublarida, jumladan, "Galatasaroy"da o‘ynagan. Shu munosabat bilan "Fenerbaxche"ning ba’zi muxlislari allaqachon futbolchi ularning iliq munosabatiga umid qila olmasligidan xavotir bildirishmoqda.
O‘tgan mavsumda Aktyurko‘g‘li klub miqyosida 59 ta o‘yinda maydonga tushib, 18 ta gol urdi va 16 ta golli uzatmani amalga oshirdi.
