"Chelsi"ning qanot himoyachisi Mark Kukurelya tez orada klub bilan yangi mehnat shartnomasini imzolaydi. Bunday ma’lumotlarni insayder Nikolo Skira o‘z obunachilari bilan bo‘lishadi.
Manbaga ko‘ra, 27 yoshli ispaniyalik futbolchi "Chelsi" bilan yangi uzoq muddatli shartnoma tuzishga tayyor. Ta’kidlanishicha, "ko‘klar" bosh murabbiyi Enso Mareska Kukurelyani o‘z loyihasining asosiy futbolchisi deb hisoblaydi. Bundan tashqari, joriy yozda "Chelsi" himoyachi bo‘yicha bir nechta takliflarni rad etdi.
Kukurelya 2022 yilda "Chelsi"ga o‘tgan. U o‘tgan mavsumda barcha musobaqalarni qo‘shib hisoblaganda 54 ta o‘yinda maydonga tushib, 7ta gol urib, 4ta golga hammualliflik qilgan.
