"Челси"нинг қанот ҳимоячиси Марк Кукурелья тез орада клуб билан янги меҳнат шартномасини имзолайди. Бундай маълумотларни инсайдер Николо Скира ўз обуначилари билан бўлишади.
Манбага кўра, 27 ёшли испаниялик футболчи "Челси" билан янги узоқ муддатли шартнома тузишга тайёр. Таъкидланишича, "кўклар" бош мураббийи Энцо Мареска Кукурельяни ўз лойиҳасининг асосий футболчиси деб ҳисоблайди. Бундан ташқари, жорий ёзда "Челси" ҳимоячи бўйича бир нечта таклифларни рад этди.
Кукурелья 2022 йилда "Челси"га ўтган. У ўтган мавсумда барча мусобақаларни қўшиб ҳисоблаганда 54 та ўйинда майдонга тушиб, 7та гол уриб, 4та голга ҳаммуаллифлик қилган.
