"Barselona" tarbiyalanuvchisi, hozirda "Everton" sharafini himoya qilayotgan Adam Aznu do‘sti va sobiq jamoadoshi Lamin Yamal haqida gapirdi.
"Ko‘k-anorranglilar"ning yulduz vingeri Aznu kabi Marokash terma jamoasida xalqaro miqyosda o‘ynashi mumkin edi, ammo u Ispaniyani afzal ko‘rdi.
"Yamalni Marokashni tanlashga undadimmi? Yo‘q, yo‘q, men uni ishontirmadim, chunki u Ispaniya terma jamoasida o‘ynashini bilardim. Bu uning qarori. Men unga: "Men qalbimning da’vatiga amal qilaman, sen esa xohlaganingni qil, men sening tanlovingga hurmat bilan qarayman," dedim. Uning o‘rnida men baribir Marokashni tanlagan bo‘lardim. Ha, agar men uning holatida bo‘lganimda, lekin o‘z fikrlarim va e’tiqodim bilan Marokash terma jamoasida o‘ynagan bo‘lardim. Ammo Laminga qarang - u 17 yoshida Yevropa chempioni bo‘ldi," - deya 19 yoshli himoyachining so‘zlarini keltiradi ispan OAV.
Iyul oyi oxirida Adam Aznu "Bavariya"dan "Everton"ga o‘tdi. Marokash terma jamoasi safida u uchta o‘yin o‘tkazdi.
