"Барселона" тарбияланувчиси, ҳозирда "Эвертон" шарафини ҳимоя қилаётган Адам Азну дўсти ва собиқ жамоадоши Ламин Ямал ҳақида гапирди.
"Кўк-анорранглилар"нинг юлдуз вингери Азну каби Марокаш терма жамоасида халқаро миқёсда ўйнаши мумкин эди, аммо у Испанияни афзал кўрди.
"Ямални Марокашни танлашга ундадимми? Йўқ, йўқ, мен уни ишонтирмадим, чунки у Испания терма жамоасида ўйнашини билардим. Бу унинг қарори. Мен унга: "Мен қалбимнинг даъватига амал қиламан, сен эса хоҳлаганингни қил, мен сенинг танловингга ҳурмат билан қарайман," дедим. Унинг ўрнида мен барибир Марокашни танлаган бўлардим. Ҳа, агар мен унинг ҳолатида бўлганимда, лекин ўз фикрларим ва эътиқодим билан Марокаш терма жамоасида ўйнаган бўлардим. Аммо Ламинга қаранг - у 17 ёшида Европа чемпиони бўлди," - дея 19 ёшли ҳимоячининг сўзларини келтиради испан ОАВ.
Июль ойи охирида Адам Азну "Бавария"дан "Эвертон"га ўтди. Марокаш терма жамоаси сафида у учта ўйин ўтказди.
