"Atalanta" hujumchisi Ademola Lukman faoliyatini Milanning "Inter" klubida davom ettirmoqchi. Bu haqda insayder Nikolo Skira xabar bermoqda.

Manbaga ko‘ra, Lukmanning rejalari aniq: u tezroq "Atalanta"ni tark etib, faqat "Inter"ga o‘tmoqchi. Hujumchi allaqachon agentlari va klubiga Bergamoda boshqa o‘ynash niyati yo‘qligini ma’lum qilgan.

O‘tgan mavsumda 27 yoshli nigeriyalik futbolchi barcha musobaqalarda 40 ta uchrashuvda qatnashib, 20 marta raqiblarini gollari bilan ranjitgan va 7 ta assistni o‘z hisobiga yozdirib qo‘ygan.

Transfermarkt ma’lumotlariga ko‘ra, Lukmanning narxi 60 million yevroni tashkil etadi.