"Аталанта" ҳужумчиси Адемола Лукман фаолиятини Миланнинг "Интер" клубида давом эттирмоқчи. Бу ҳақда инсайдер Николо Скира хабар бермоқда.

Манбага кўра, Лукманнинг режалари аниқ: у тезроқ "Аталанта"ни тарк этиб, фақат "Интер"га ўтмоқчи. Ҳужумчи аллақачон агентлари ва клубига Бергамода бошқа ўйнаш нияти йўқлигини маълум қилган.

Ўтган мавсумда 27 ёшли нигериялик футболчи барча мусобақаларда 40 та учрашувда қатнашиб, 20 марта рақибларини голлари билан ранжитган ва 7 та ассистни ўз ҳисобига ёздириб қўйган.

Transfermarkt маълумотларига кўра, Лукманнинг нархи 60 миллион еврони ташкил этади.