«Barselona» bosh murabbiyi Xans-Diter Flik jamoaga yangi hujumchi kelishi mumkinligi haqida gapirdi. Robert Levandovski mavsum yakunida klubni tark etadi. Kataloniyaliklar ustozi 37 yoshli yulduzni almashtirish qiyin bo‘lishini tan oldi, biroq shunga qaramay, yangi forvard bilan shartnoma imzolanishi mumkinligini inkor etmadi.
«Biz o‘zimizning falsafamizga to‘liq mos keladigan hujumchini izlashimiz kerak, lekin eng muhimi — u gol urishni bilishi lozim», — deya Flikning so‘zlaridan iqtibos keltirmoqda Managing Barca.
«Ko‘k-anorranglilar»ning Xulian Alvares, Joao Pedro va boshqa ko‘plab forvardlarga qiziqish bildirayotgani aytilmoqda, ammo hozircha aniq bir to‘xtamga kelinmagan.
Yakshanba kuni «Barselona» o‘z maydonida Rafinya Diasning dubli va Joau Kanseluning goli evaziga «Betis»ni mag‘lub etdi (3:1).
