«Барселона» бош мураббийи Ханс-Дитер Флик жамоага янги ҳужумчи келиши мумкинлиги ҳақида гапирди. Роберт Левандовски мавсум якунида клубни тарк этади. Каталонияликлар устози 37 ёшли юлдузни алмаштириш қийин бўлишини тан олди, бироқ шунга қарамай, янги форвард билан шартнома имзоланиши мумкинлигини инкор этмади.
«Биз ўзимизнинг фалсафамизга тўлиқ мос келадиган ҳужумчини излашимиз керак, лекин энг муҳими — у гол уришни билиши лозим», — дея Фликнинг сўзларидан иқтибос келтирмоқда Managing Barca.
«Кўк-анорранглилар»нинг Хулиан Альварес, Жоао Педро ва бошқа кўплаб форвардларга қизиқиш билдираётгани айтилмоқда, аммо ҳозирча аниқ бир тўхтамга келинмаган.
Якшанба куни «Барселона» ўз майдонида Рафинья Диаснинг дубли ва Жоау Канселунинг голи эвазига «Бетис»ни мағлуб этди (3:1).
