"Yuventus" hujumchisi Dushan Vlaxovich qayerda o‘ynashni istashini allaqachon biladi. 25 yoshli futbolchi Turkiya va Saudiya Arabistoniga ko‘chib o‘tishga qiziqmayapti, ingliz klublari variantlari ham uni unchalik o‘ziga jalb qilmayapti. La Gazzetta dello Sport xabariga ko‘ra, serb faoliyatini "Milan"da davom ettirishni afzal ko‘rmoqda. "Rossonerilar" hujumchini o‘z safiga qo‘shib olishga harakat qilmoqda, ammo hali kelishuvga erishilmagan. Muzokaralar oson bo‘lmaydi.
"Yuventus" yozda Dushan Vlaxovich bilan xayrlashmoqchi, chunki uning amaldagi shartnomasi kelasi yilning o‘rtalarida tugaydi. 2024/25 yilgi mavsumda futbolchi turinliklar safida 44 ta o‘yinda 17 ta gol va beshta golli uzatmani amalga oshirdi.
