"Ювентус" ҳужумчиси Душан Влахович қаерда ўйнашни исташини аллақачон билади. 25 ёшли футболчи Туркия ва Саудия Арабистонига кўчиб ўтишга қизиқмаяпти, инглиз клублари вариантлари ҳам уни унчалик ўзига жалб қилмаяпти. La Gazzetta dello Sport хабарига кўра, серб фаолиятини "Милан"да давом эттиришни афзал кўрмоқда. "Россонерилар" ҳужумчини ўз сафига қўшиб олишга ҳаракат қилмоқда, аммо ҳали келишувга эришилмаган. Музокаралар осон бўлмайди.
"Ювентус" ёзда Душан Влахович билан хайрлашмоқчи, чунки унинг амалдаги шартномаси келаси йилнинг ўрталарида тугайди. 2024/25 йилги мавсумда футболчи туринликлар сафида 44 та ўйинда 17 та гол ва бешта голли узатмани амалга оширди.
