Ispaniyaning "Vilyarreal" klubi yarim himoyachi Tomas Parti bo‘yicha qaror qabul qildi. AS nashri tarqatgan xabarga ko‘ra "sariq suvosti kemasi" 32 yoshli futbolchini o‘z safiga qo‘shib olishga hamon bel bog‘lagan.
Bir kun oldin sud majlisi bo‘lib o‘tdi, unda Parti garov evaziga shartli ravishda ozod qilindi. Ma’lum bo‘lishicha, futbolchi beshta zo‘rlash va bitta jinsiy zo‘ravonlikda ayblanmoqda.
"Vilyarreal"ning Parti bo‘yicha rejalariga sud qarori ta’sir qilmadi. Klub Tomas bilan shartnoma imzolash jarayonini davom ettirishga qaror qildi.
"Vilyarreal" futbolchi aybdor deb topilgan taqdirdagina Tomas Parti bo‘yicha o‘z pozisiyasini o‘zgartiradi.
Parti hozirda erkin agent hisoblanadi. Iyun oyi oxirida uning "Arsenal" bilan shartnomasi muddati tugagandi.
