Испаниянинг "Вильярреал" клуби ярим ҳимоячи Томас Парти бўйича қарор қабул қилди. AS нашри тарқатган хабарга кўра "сариқ сувости кемаси" 32 ёшли футболчини ўз сафига қўшиб олишга ҳамон бел боғлаган.
Бир кун олдин суд мажлиси бўлиб ўтди, унда Парти гаров эвазига шартли равишда озод қилинди. Маълум бўлишича, футболчи бешта зўрлаш ва битта жинсий зўравонликда айбланмоқда.
"Вильярреал"нинг Парти бўйича режаларига суд қарори таъсир қилмади. Клуб Томас билан шартнома имзолаш жараёнини давом эттиришга қарор қилди.
"Вильярреал" футболчи айбдор деб топилган тақдирдагина Томас Парти бўйича ўз позициясини ўзгартиради.
Парти ҳозирда эркин агент ҳисобланади. Июнь ойи охирида унинг "Арсенал" билан шартномаси муддати тугаганди.
