Opta mutaxassislari superkompyuter yordamida jamoalarning yangi mavsumda Angliya Premyer-ligasida g‘olib chiqish imkoniyatlarini hisoblab chiqishdi. Avval xabar berganimizdek, chempionlik uchun eng katta imkoniyat "Liverpul"da. Arne Slot jamoasi yangi mavsumda chempionlik unvonini himoya qilishi kerak. Qizig‘i, superkompyuter "Manchester Yunayted"ning chempionlik imkoniyatini 0,6 foizga baholagan.
Bir vaqtning o‘zida APLning 11 jamoasi "qizil iblislar"dan yuqoriroq imkoniyatga ega. Bular "Liverpul" (28,5%), "Arsenal" (24,3%), "Manchester Siti" (18,8%), "Chelsi" (8,4%), "Aston Villa" (5,1%), "Nyukasl" (5,1%), "Kristal Pelas" (2,9%), "Brayton" (2,2%), "Bornmut" (1%), "Brentford" (0,8%) va "Nottingem Forest" (0,7%).
O‘tgan mavsumda "Manchester Yunayted" Angliya chempionatida 15-o‘rinni egallagan edi.
APLning yangi mavsumi 15 avgust kuni start oladi.
