"Yuventus" bosh murabbiyi Igor Tudor jamoadagi muhitni yaxshilashga qaror qildi va futbolchilarni birgalikda kechki ovqatga taklif qildi, deb yozadi La Gazzetta dello Sport.
Manbaga ko‘ra, tadbir Nyurnbergdagi Osiyo taomlari restoranida bo‘lib o‘tgan, u yerga futbolchilar bilan birga klub rahbariyati vakillari ham kelgan. Dasturxon atrofida nafaqat asosiy futbolchilar, balki Turindagi kelajagi hozircha so‘roq ostida bo‘lganlar ham o‘tirishdi.
"Yuventus" ayni damda mavsumoldi yig‘inini Germaniyada o‘tkazmoqda. 10 avgust kuni turinliklar Dortmundning "Borussiya" klubiga qarshi o‘rtoqlik o‘yinida maydonga tushadi.
