"Ювентус" бош мураббийи Игор Тудор жамоадаги муҳитни яхшилашга қарор қилди ва футболчиларни биргаликда кечки овқатга таклиф қилди, деб ёзади La Gazzetta dello Sport.
Манбага кўра, тадбир Нюрнбергдаги Осиё таомлари ресторанида бўлиб ўтган, у ерга футболчилар билан бирга клуб раҳбарияти вакиллари ҳам келган. Дастурхон атрофида нафақат асосий футболчилар, балки Туриндаги келажаги ҳозирча сўроқ остида бўлганлар ҳам ўтиришди.
"Ювентус" айни дамда мавсумолди йиғинини Германияда ўтказмоқда. 10 август куни туринликлар Дортмунднинг "Боруссия" клубига қарши ўртоқлик ўйинида майдонга тушади.
