Ushbu transfer oynasida Madridning "Real" klubi o‘zining faxriy futbolchisi Luka Modrich bilan xayrlashdi. Xorvatiyalik xavbek "Milan"ga o‘tdi. Ma’lum bo‘lishicha, "qaymoqranglilar" rahbariyati futbolchini ispan klubida ko‘rishga umid qilmoqda, ammo endi futbolchi rolida emas.

Defensa Central xabariga ko‘ra, "Real" prezidenti lavozimida ishlab kelayotgan Florentino Peres kuni kecha Modrich bilan uchrashgan. Funksionerning ta’kidlashicha, u xorvatni faoliyatini tugatgandan so‘ng "qaymoqranglilar" akademiyasida murabbiylikda kutmoqda.

Luka Modrich Ispaniyadagi 13 yillik faoliyati davomida 4 marta La Ligada g‘olib chiqdi va 6 marta Chempionlar Ligasi kubogini qo‘lga kiritdi.