Ушбу трансфер ойнасида Мадриднинг "Реал" клуби ўзининг фахрий футболчиси Лука Модрич билан хайрлашди. Хорватиялик хавбек "Милан"га ўтди. Маълум бўлишича, "қаймоқранглилар" раҳбарияти футболчини испан клубида кўришга умид қилмоқда, аммо энди футболчи ролида эмас.
Defensa Central хабарига кўра, "Реал" президенти лавозимида ишлаб келаётган Флорентино Перес куни кеча Модрич билан учрашган. Функционернинг таъкидлашича, у хорватни фаолиятини тугатгандан сўнг "қаймоқранглилар" академиясида мураббийликда кутмоқда.
Лука Модрич Испаниядаги 13 йиллик фаолияти давомида 4 марта Ла Лигада ғолиб чиқди ва 6 марта Чемпионлар Лигаси кубогини қўлга киритди.
