Madridning "Real" klubi futbolchisi Rodrigo klubni tark etmoqchi emas, ammo uning kelajagi mavhumligicha qolmoqda. Ko‘rinib turibdiki, braziliyalik futbolchi Xabi Alonso jamoasida vaqtini zaxira o‘rindig‘ida kutishi kerak, ammo futbolchi baribir ketmoqchi emas. Jurnalist Arancha Rodrigesning ma’lum qilishicha, 24 yoshli vinger "Real"da qolishga qaror qilgan, ammo yangi murabbiy unga umuman umid qilmayotganini ko‘rsa, o‘z rejalarini qayta ko‘rib chiqishi mumkin.
Rodrigoga "Liverpul", "Arsenal", "PSJ" va boshqa Yevropa grandlari qiziqish bildirgan. Transfermarkt talqiniga ko‘ra, "qaymoqranglilar" yulduzining narxi 90 mln yevroni tashkil etadi.
