9 iyul kuni "Manchester Yunayted" Benyamin Sheshko transferini rasman e’lon qildi. Amalga oshirilgan transferga klub sport direktori Jeyson Uilkoks izoh berdi.
"Biz Benyamin faoliyatini diqqat bilan kuzatib bordik. Barcha tadqiqotlarimiz shuni ko‘rsatdiki, u jamoamizda muvaffaqiyatga erishish uchun zarur bo‘lgan fazilatlar va shaxsiy xususiyatlarga ega. Sheshko o‘zining top-futbolchi sifatidagi salohiyatini yuzaga chiqarishga yordam beradigan ideal muhitga tushadi," - deya Uilkoksning so‘zlarini keltiradi "Manchester Yunayted" matbuot xizmati.
Sport direktorining qo‘shimcha qilishicha, klub rahbariyati barcha sovrinlarga da’vogarlik qiladigan jamoani shakllantirishda davom etmoqda.
Sheshko "qizil iblislar" bilan besh yillik shartnoma imzoladi. OAV ma’lumotlariga ko‘ra, kelishuv summasi bonuslarni hisobga olmaganda 76,5 mln yevroni tashkil etgan.
