9 июль куни "Манчестер Юнайтед" Беньямин Шешко трансферини расман эълон қилди. Амалга оширилган трансферга клуб спорт директори Жейсон Уилкокс изоҳ берди.

"Биз Беньямин фаолиятини диққат билан кузатиб бордик. Барча тадқиқотларимиз шуни кўрсатдики, у жамоамизда муваффақиятга эришиш учун зарур бўлган фазилатлар ва шахсий хусусиятларга эга. Шешко ўзининг топ-футболчи сифатидаги салоҳиятини юзага чиқаришга ёрдам берадиган идеал муҳитга тушади," - дея Уилкокснинг сўзларини келтиради "Манчестер Юнайтед" матбуот хизмати.

Спорт директорининг қўшимча қилишича, клуб раҳбарияти барча совринларга даъвогарлик қиладиган жамоани шакллантиришда давом этмоқда.

Шешко "қизил иблислар" билан беш йиллик шартнома имзолади. ОАВ маълумотларига кўра, келишув суммаси бонусларни ҳисобга олмаганда 76,5 млн еврони ташкил этган.