Londonning "Arsenal" klubi "Atalanta" hujumchisi Ademola Lukman uchun da’vogarlar safiga qo‘shildi.

27 yoshli futbolchi "Inter"ga o‘tmoqchi, ammo milanliklar bergamoliklar bilan kelisha olmadi - muzokaralar boshi berk ko‘chaga kirib qoldi. Jurnalist Matteo Morettoning yozishicha, so‘nggi kunlarda nigeriyalik hujumchiga "Arsenal"dan qiziqish bo‘layotgani haqida xabarlar tarqalgan, biroq hozircha hech qanday aniqlik yo‘q.

Ademola Lukman o‘tgan mavsumda "Atalanta" safida 40 ta o‘yinda 20 marta raqiblar darvozasini ishg‘ol qilgan, shuningdek, 7 ta golli uzatmani amalga oshirgan. Transfermarkt ma’lumotlariga ko‘ra, futbolchining narxi 60 mln yevroni tashkil etadi.