"Shaxtyor" "Fulxem"dan Kevin transferi bo‘yicha yangi taklif oldi.
Avvalroq, APL klubi 22 yoshli vinger uchun 30 mln yevro va bonuslar taklif qilgani xabar qilingandi. Transferning umumiy qiymati 40 mln yevroni tashkil etishi mumkin edi, ammo ingliz klubi rad javobini oldi.
Insayder Fabrisio Romanoning ma’lum qilishicha, "Fulxem" Donesk klubiga yangi rasmiy taklif bilan chiqqan. Uning summasi 37 mln yevro va bonuslarga baholanmoqda.
Biroq, "Shaxtyor" futbolchi uchun 50 mln yevro talab qilmoqda.
Joriy mavsumda braziliyalik futbolchi Yevropa Ligasi saralash bosqichining 3ta o‘yinida 4ta gol urdi va 2ta golga assistentlik qildi.













