"Шахтёр" "Фулхэм"дан Кевин трансфери бўйича янги таклиф олди.
Аввалроқ, АПЛ клуби 22 ёшли вингер учун 30 млн евро ва бонуслар таклиф қилгани хабар қилинганди. Трансфернинг умумий қиймати 40 млн еврони ташкил этиши мумкин эди, аммо инглиз клуби рад жавобини олди.
Инсайдер Фабрицио Романонинг маълум қилишича, "Фулхэм" Донецк клубига янги расмий таклиф билан чиққан. Унинг суммаси 37 млн евро ва бонусларга баҳоланмоқда.
Бироқ, "Шахтёр" футболчи учун 50 млн евро талаб қилмоқда.
Жорий мавсумда бразилиялик футболчи Европа Лигаси саралаш босқичининг 3та ўйинида 4та гол урди ва 2та голга ассистентлик қилди.
