"Manchester Yunayted" Karlos Balebani o‘z safiga qo‘shib olishga yana bir bor urinib ko‘radi.
Avvalroq, "MYU" Kamerun terma jamoasining 21 yoshli tayanch yarim himoyachisi borasida "Brayton" bilan bog‘langani, "Arsenal" va "Liverpul"ga ham futbolchi qiziq ekani haqida xabarlar tarqalgan edi. Qishda Karlos uchun 120 mln yevro so‘ralgandi - bu "Manchester Siti"ning qiziqishini to‘xtatdi. Keyinchalik ma’lum bo‘lishicha, "chaykalar" hamon Balebani 120 mln ga baholamoqda, xavbek esa kelasi yili transferni ko‘rib chiqishga tayyor.
Fabrisio Romanoning ta’kidlashicha, "Yunayted" yaqin kunlarda Baleba transferi bo‘yicha muzokaralarning yangi bosqichini o‘tkazishni rejalashtirmoqda. Klub futbolchi transferga qiziqish bildirayotganiga ishonmoqda, shuning uchun shaxsiy shartnoma shartlari muammo tug‘dirmaydi.
"Brayton" bilan aloqalar davom etmoqda. Kelishuv juda murakkab hisoblanadi, ammo "MYU" uni amalga oshirishga harakat qiladi.
Tayanch yarim himoyachi APLning o‘tgan mavsumida 34 ta o‘yinda 3 ta gol urdi, 1 ta golli pas berdi, 6 ta sariq va 1 ta qizil kartochka oldi.
