"Манчестер Юнайтед" Карлос Балебани ўз сафига қўшиб олишга яна бир бор уриниб кўради.

Аввалроқ, "МЮ" Камерун терма жамоасининг 21 ёшли таянч ярим ҳимоячиси борасида "Брайтон" билан боғлангани, "Арсенал" ва "Ливерпуль"га ҳам футболчи қизиқ экани ҳақида хабарлар тарқалган эди. Қишда Карлос учун 120 млн евро сўралганди - бу "Манчестер Сити"нинг қизиқишини тўхтатди. Кейинчалик маълум бўлишича, "чайкалар" ҳамон Балебани 120 млн га баҳоламоқда, хавбек эса келаси йили трансферни кўриб чиқишга тайёр.

Фабрицио Романонинг таъкидлашича, "Юнайтед" яқин кунларда Балеба трансфери бўйича музокараларнинг янги босқичини ўтказишни режалаштирмоқда. Клуб футболчи трансферга қизиқиш билдираётганига ишонмоқда, шунинг учун шахсий шартнома шартлари муаммо туғдирмайди.

"Брайтон" билан алоқалар давом этмоқда. Келишув жуда мураккаб ҳисобланади, аммо "МЮ" уни амалга оширишга ҳаракат қилади.

Таянч ярим ҳимоячи АПЛнинг ўтган мавсумида 34 та ўйинда 3 та гол урди, 1 та голли пас берди, 6 та сариқ ва 1 та қизил карточка олди.