Madridning "Real" klubi yoshlar jamoasida to‘p tepayotgan 18 yoshli Tyago Pitarchning o‘yinidan hayratga tushmoqda. Yosh yarim himoyachi hali asosiy tarkibda debyut qilgani yo‘q, ammo u katta umidlarga ega.
ESPN xabariga ko‘ra, kelib chiqishi marokashlik bo‘lgan ispaniyalik xavbek sifatlari bo‘yicha "PSJ" yulduzi Vitinyaga o‘xshab ketadi.
"U g‘ayratli, kuchli va uzatmalar va driblinglar orqali raqiblar chizig‘ini yorib o‘tish qobiliyatiga ega," - "qaymoqranglilar"ning istiqbolli futbolchisi shunday ta’rif oldi.
Mish-mishlarga ko‘ra, Xabi Alonso "Real"da xuddi shunday o‘yin uslubiga ega yangi yarim himoyachini ko‘rishni istagan, ammo klubda transfer bozorida munosib nomzodlar topilmagan ko‘rinadi. Ehtimol, murabbiy endi ichki resurslarni ishga solishi mumkin.
