"Manchester Siti" vingeri Savio "Tottenxem"ga o‘tishga tayyor. Ayni damda aynan "shporlar" braziliyalik futbolchiga asosiy da’vogar bo‘lib turibdi. 21 yoshli futbolchi bunday imkoniyatdan xursand va Londonga ko‘chib o‘tish variantini ma’qullamoqda, chunki u muntazam ravishda asosiy tarkibda maydonga tushishni istaydi, deya xabar bermoqda jurnalist Fabrisio Romano, shuningdek, shartnoma shartlari bo‘yicha kelishuvga hech qanday muammosiz erishilishini ta’kidlamoqda.
Braziliyadagi manbalar ham shunga o‘xshash ma’lumotlar bilan o‘rtoqlashmoqda: futbolchi JCH-2026 oldidan milliy jamoadagi o‘rnini butunlay yo‘qotishdan qo‘rqmoqda va "Tottenxem"da o‘zini ko‘rsatish uchun ko‘proq imkoniyatga ega bo‘lishiga ishonmoqda.
Avvalroq, "Siti" Savioni 60 mln funtga (deyarli 70 mln yevro) sotishga tayyorligi haqida xabarlar tarqalgan edi.
