"Манчестер Сити" вингери Савио "Тоттенхэм"га ўтишга тайёр. Айни дамда айнан "шпорлар" бразилиялик футболчига асосий даъвогар бўлиб турибди. 21 ёшли футболчи бундай имкониятдан хурсанд ва Лондонга кўчиб ўтиш вариантини маъқулламоқда, чунки у мунтазам равишда асосий таркибда майдонга тушишни истайди, дея хабар бермоқда журналист Фабрицио Романо, шунингдек, шартнома шартлари бўйича келишувга ҳеч қандай муаммосиз эришилишини таъкидламоқда.

Бразилиядаги манбалар ҳам шунга ўхшаш маълумотлар билан ўртоқлашмоқда: футболчи ЖЧ-2026 олдидан миллий жамоадаги ўрнини бутунлай йўқотишдан қўрқмоқда ва "Тоттенхэм"да ўзини кўрсатиш учун кўпроқ имкониятга эга бўлишига ишонмоқда.

Аввалроқ, "Сити" Савиони 60 млн фунтга (деярли 70 млн евро) сотишга тайёрлиги ҳақида хабарлар тарқалган эди.