"Liverpul"ning sobiq yarim himoyachisi va bosh murabbiyi Stiven Jerrard Moskvaning "Spartak" klubi short-listidan joy oldi.
Metaratings xabariga ko‘ra, "Spartak" vakillari 45 yoshli Jerrardning agentlari bilan bog‘lanib, inglizning klubga taklif etilishi mumkinligi haqida so‘rashgan. Biroq murabbiy tomon murakkab xalqaro vaziyat tufayli tafsilotlarni muhokama qilishdan bosh tortdi. Qayd etilishicha, xuddi shu sababga ko‘ra, "Spartak"ni boshqa ba’zi taniqli mutaxassislar ham rad etishgan.
Manbaning ta’kidlashicha, "Spartak" bosslari Deyan Stankovich bilan ehtimoliy xayrlashuvga puxta tayyorgarlik ko‘rmoqchi, shuning uchun keyinchalik tezkor tanlov qilish uchun hozirning o‘zida bir nechta suhbatlar o‘tkazish niyatida.
