"Ливерпуль"нинг собиқ ярим ҳимоячиси ва бош мураббийи Стивен Жеррард Москванинг "Спартак" клуби шорт-листидан жой олди.
Metaratings хабарига кўра, "Спартак" вакиллари 45 ёшли Жеррарднинг агентлари билан боғланиб, инглизнинг клубга таклиф этилиши мумкинлиги ҳақида сўрашган. Бироқ мураббий томон мураккаб халқаро вазият туфайли тафсилотларни муҳокама қилишдан бош тортди. Қайд этилишича, худди шу сабабга кўра, "Спартак"ни бошқа баъзи таниқли мутахассислар ҳам рад этишган.
Манбанинг таъкидлашича, "Спартак" босслари Деян Станкович билан эҳтимолий хайрлашувга пухта тайёргарлик кўрмоқчи, шунинг учун кейинчалик тезкор танлов қилиш учун ҳозирнинг ўзида бир нечта суҳбатлар ўтказиш ниятида.
