"Barselona"ning sobiq futbolchisi Jerar Delofeu 2025 yilda "Oltin to‘p" uchun kurash haqidagi savolga javob berdi.
"Gap kimni g‘olib sifatida ko‘rishni istashimda emas. "Barselona"ning ko‘plab o‘yinlarini, Yevropadagi ko‘plab o‘yinlarni tomosha qildim va menimcha, eng yaxshi futbol ijodkori - Lamin Yamal. Balki u yoshdir, balki boshqa kimdir ko‘proq unvonlarni qo‘lga kiritgandir, ammo o‘yinlar bo‘yicha qaraydigan bo‘lsak, men uchun bu yil eng yaxshisi Yamal bo‘lganiga shubha yo‘q," - deya Delofeuning so‘zlarini keltiradi Goal portali.
Ma’lumki, "Oltin to‘p" sentyabr oyida topshiriladi. Lamin Yamal avvalroq mukofotga da’vogar 30 kishilik ro‘yxatdan joy olgandi.
