"Барселона"нинг собиқ футболчиси Жерар Делофеу 2025 йилда "Олтин тўп" учун кураш ҳақидаги саволга жавоб берди.
"Гап кимни ғолиб сифатида кўришни исташимда эмас. "Барселона"нинг кўплаб ўйинларини, Европадаги кўплаб ўйинларни томоша қилдим ва менимча, энг яхши футбол ижодкори - Ламин Ямал. Балки у ёшдир, балки бошқа кимдир кўпроқ унвонларни қўлга киритгандир, аммо ўйинлар бўйича қарайдиган бўлсак, мен учун бу йил энг яхшиси Ямал бўлганига шубҳа йўқ," - дея Делофеунинг сўзларини келтиради Goal портали.
Маълумки, "Олтин тўп" сентябрь ойида топширилади. Ламин Ямал аввалроқ мукофотга даъвогар 30 кишилик рўйхатдан жой олганди.
