Angliyaning "Chelsi" klubi Dortmundning "Borussiya" klubidan yarim himoyachi Karni Chukvuemeka uchun kelgan transfer taklifini rad etdi. Bu haqda insayder Fabrisio Romano o‘z ijtimoiy tarmoqlarida ma’lum qildi.
Manbaga ko‘ra, "Borussiya" futbolchini sotib olish sharti bilan ijaraga olmoqchi bo‘lgan. "Chelsi" uchun bu variant ma’qul kelmadi, chunki futbolchiga boshqa da’vogarlar faqat Chukvuemekaning to‘liq transferi bo‘yicha takliflar berishdi.
O‘tgan mavsumni 21 yoshli futbolchi "Chelsi" (5 o‘yin) va "Borussiya" Dortmundda (17 o‘yin, 1 gol) o‘tkazdi. Futbolchining bozor narxi 18 million yevroga baholanmoqda.
