Англиянинг "Челси" клуби Дортмунднинг "Боруссия" клубидан ярим ҳимоячи Карни Чуквуэмека учун келган трансфер таклифини рад этди. Бу ҳақда инсайдер Фабрицио Романо ўз ижтимоий тармоқларида маълум қилди.
Манбага кўра, "Боруссия" футболчини сотиб олиш шарти билан ижарага олмоқчи бўлган. "Челси" учун бу вариант маъқул келмади, чунки футболчига бошқа даъвогарлар фақат Чуквуэмеканинг тўлиқ трансфери бўйича таклифлар беришди.
Ўтган мавсумни 21 ёшли футболчи "Челси" (5 ўйин) ва "Боруссия" Дортмундда (17 ўйин, 1 гол) ўтказди. Футболчининг бозор нархи 18 миллион еврога баҳоланмоқда.
