Superliganing 19-turi doirasidagi "Paxtakor" - "So‘g‘diyona" uchrashuvidan keyin "sherlar" ustozi Kamoliddin Tojiyev matbuot anjumanida qatnashdi.

“O‘yinni hujumkor boshladik va tez gol bilan oldinga chiqdik. Shunday so‘ng birinchi bo‘limning qolgan yarmida mehmonlar hujumga o‘tishga intilishdi. Ikkinchi bo‘limda almashtirishlar orqali vaziyatni o‘zgartirdik. Bugun g‘alabaga erishish juda muhim edi. Avvalgi ikki o‘yindagi omadsizlik sababli bellashuv ahamiyati ortib ketdi. Ikkinchi bo‘limda ba’zan himoyalanishimizga to‘g‘ri keldi. Futbolchilar harakatidan to‘liq qoniqdim. Yangilar ham jamoaga kirishib borishmoqda”, - deya Tojiyevning so‘zlaridan keltiradi “Paxtakor” matbuot xizmati.