"Manchester Yunayted" sotib olmoqchi bo‘lgan "Brayton" markaziy yarim himoyachisi Karlos Baleba o‘z klubida qoladi. Bu haqda insayder Fabrisio Romano xabar bermoqda.
Manbaga ko‘ra, 15 avgust kuni mankunianliklar rahbariyati xavbekni sotib olish maqsadida yana "Brayton" bosslari bilan bog‘langan. Biroq "Brayton"ning javobi salbiy bo‘ldi. Klub yozda futbolchini qo‘yib yubormaydi va narxni muhokama qilmoqchi emas.
Rad javobidan so‘ng, "qizil iblislar" boshqa transfer maqsadlariga o‘tishi kutilmoqda.
O‘tgan mavsumda kamerunlik futbolchi "Brayton" safida 40 ta o‘yinda maydonga tushib, 4 ta gol urdi va 2 ta golli uzatmani amalga oshirdi.
