"Манчестер Юнайтед" сотиб олмоқчи бўлган "Брайтон" марказий ярим ҳимоячиси Карлос Балеба ўз клубида қолади. Бу ҳақда инсайдер Фабрицио Романо хабар бермоқда.
Манбага кўра, 15 август куни манкунианликлар раҳбарияти хавбекни сотиб олиш мақсадида яна "Брайтон" босслари билан боғланган. Бироқ "Брайтон"нинг жавоби салбий бўлди. Клуб ёзда футболчини қўйиб юбормайди ва нархни муҳокама қилмоқчи эмас.
Рад жавобидан сўнг, "қизил иблислар" бошқа трансфер мақсадларига ўтиши кутилмоқда.
Ўтган мавсумда камерунлик футболчи "Брайтон" сафида 40 та ўйинда майдонга тушиб, 4 та гол урди ва 2 та голли узатмани амалга оширди.
