"An-Nasr" yarim himoyachisi Otavio "Al-Diriya" uchun ustuvor maqsad bo‘lib turibdi, deb xabar berdi X ijtimoiy tarmog‘ida insayder Fabrisio Romano.
Manbaga ko‘ra, 30 yoshli portugaliyalik futbolchiga Turkiya klublari ham qiziqish bildirmoqda.
Otavio 2023 yilda "An-Nasr"ga o‘tgandi. Futbolchining amaldagi shartnomasi 2026 yilgacha mo‘ljallangan. Transfermarkt portali futbolchining narxini 15 million yevroga baholamoqda.
2024/25 yilgi mavsumda Otavio barcha musobaqalarda 40 ta o‘yinda maydonga tushib, 1 ta gol urdi va 8 ta golli uzatmani amalga oshirdi.
