"Kristal Pelas" hujumkor yarim himoyachisi Eberechi Eze joriy transfer oynasida "Arsenal"ga o‘tishi dargumon.
"Kanonirlar" 27 yoshli futbolchi uchun kurashni to‘xtatdi va asosiy e’tiborni chap qanot himoyachisiga qaratishga qaror qildi, deb xabar beradi TBR Football. Shu tariqa, ingliz uchun faqat bitta jiddiy da’vogar - "Tottenxem" qoldi.
Eberechi Ezening Transfermarkt portalidagi narxi 55 mln yevroga baholanmoqda. O‘tgan mavsumda futbolchi "Kristal Pelas" safida barcha musobaqalarda 43 ta o‘yinda maydonga tushib, 14 ta gol va 11 ta golli uzatmani amalga oshirdi. Angliya terma jamoasi safida xavbek 12 ta o‘yin o‘tkazib, bir marta raqiblar darvozasini ishg‘ol qilgan.
