"Кристал Пэлас" ҳужумкор ярим ҳимоячиси Эберечи Эзе жорий трансфер ойнасида "Арсенал"га ўтиши даргумон.
"Канонирлар" 27 ёшли футболчи учун курашни тўхтатди ва асосий эътиборни чап қанот ҳимоячисига қаратишга қарор қилди, деб хабар беради TBR Football. Шу тариқа, инглиз учун фақат битта жиддий даъвогар - "Тоттенхэм" қолди.
Эберечи Эзенинг Transfermarkt порталидаги нархи 55 млн еврога баҳоланмоқда. Ўтган мавсумда футболчи "Кристал Пэлас" сафида барча мусобақаларда 43 та ўйинда майдонга тушиб, 14 та гол ва 11 та голли узатмани амалга оширди. Англия терма жамоаси сафида хавбек 12 та ўйин ўтказиб, бир марта рақиблар дарвозасини ишғол қилган.
