"Chelsi"ning o‘ng qanot himoyachisi Josh Achimpong "Manchester Siti" e’tiborini tortdi.
London klubi istiqbolli 19 yoshli futbolchini qo‘yib yuborishni istamayapti va u sotilmasligini "shaharliklar"ga allaqachon ma’lum qilgan, deb xabar beradi Guardian Sport.
"Bornmut" ham ingliz futbolchisini ijaraga olish taklifi bilan chiqdi, ammo "ko‘klar" bunday kelishuvni ham rad etishdi.
Qayd etilishicha, “Nyukasl” ham Josh Achimpongni kuzatib turibdi.
Transfermarkt xabariga ko‘ra, himoyachining transfer qiymati 8 million yevroni tashkil etadi va uning amaldagi shartnomasi 2029 yilning yoziga qadar mo‘ljallangan.
