"Челси"нинг ўнг қанот ҳимоячиси Жош Ачимпонг "Манчестер Сити" эътиборини тортди.
Лондон клуби истиқболли 19 ёшли футболчини қўйиб юборишни истамаяпти ва у сотилмаслигини "шаҳарликлар"га аллақачон маълум қилган, деб хабар беради Guardian Sport.
"Борнмут" ҳам инглиз футболчисини ижарага олиш таклифи билан чиқди, аммо "кўклар" бундай келишувни ҳам рад этишди.
Қайд этилишича, “Ньюкасл” ҳам Жош Ачимпонгни кузатиб турибди.
Transfermarkt хабарига кўра, ҳимоячининг трансфер қиймати 8 миллион еврони ташкил этади ва унинг амалдаги шартномаси 2029 йилнинг ёзига қадар мўлжалланган.
