«PSJ» bosh murabbiyi Luis Enrike jamoaning bo‘lajak mavsum uchun maqsadlari haqidagi savolga javob berdi.
U UEFA Chempionlar Ligasida ketma-ket ikkinchi bor g‘olib chiqish niyati borligini ta’kidladi.
“Tarix yaratishda davom etish birinchi kundan boshlab mening asosiy maqsadim bo‘lgan. Hozir biz buni amalga oshiryapmiz, lekin Chempionlar Ligasida ikki marta ketma-ket g‘olib chiqish juda qiyin. Ammo bu bizning maqsadimiz. Biz juda ambisiyalimiz. Bu qiyin bo‘lishini bilamiz, lekin shunday mentalitetga ega bo‘lish normal holat. Hammasi bizga va bizning darajamizga bog‘liq bo‘ladi. Bu juda qiziqarli vazifa.
O‘tgan mavsumdan keyin maqsadlar haqidagi savolga javob berish juda oson: biz hamma turnirlarda g‘alaba qozonmoqchimiz, umid qilamizki, barcha sovrinlarni qo‘lga kirita olamiz. Men kelgan birinchi mavsumda maqsad tarix yaratish edi. Biz shu ruhda davom etishni xohlaymiz. Chempionlar Ligasida ikkinchi marta g‘alaba qozonishni maqsad qilishimiz kerak. Bu qiyin, ammo motivasiya beradi”, — dedi Enrike.
